شہباز شریف کی بیٹی کے گھر نیب ٹیم کی آمد

شہباز شریف کی بیٹی کے گھر نیب ٹیم کی آمد

لاہور(نیوزلیب) قومی احتساب بیورو (نیب) کی ٹیم نے اپوزیشن لیڈر شہباز شریف کی بیٹی کے گھر منی لانڈرنگ کیس میں نوٹس پہنچا دیا.

تفصیلات کے مطابق آج نیب  ٹیم کی نوٹس کی وصولی کے لیے شبہاز شریف کی بیٹی کے گھر آمد ہوئی، البتہ ترجمان ن لیگ، مریم اورنگزیب کے بیان کے بعد صورت حال گمبھیر ہوگئی.

مریم اورنگزیب نے الزام عائد کیا کہ نیب کی ٹیم نے پولیس کے ہمراہ ماڈل ٹاؤن میں شہباز شریف کی صاحب زادی کے گھر کا محاصرہ کر لیا ہے۔

مریم اورنگزیب کی جانب سے اس کارروائی کو چھاپے قرار دیتے ہوئے قابل مذمت اور تشویش کا باعث قرار دیا گیا.

البتہ نیب نے موقف اختیار ہے کہ سابق وزیراطلاعات نے میڈیا سے غلط بیانی کی،  شہباز شریف کی بیٹی کے گھرچھاپہ نہیں مارا، نوٹس وصول کرانے گئے تھے.

نیب کے مطابق طلبی کا نوٹس ذاتی طورپر جاکر وصول کرایا جاتا ہے، پولیس کی واحد گاڑی نیب ٹیم کی سیکیورٹی کے لئے ساتھ تھی، مخصوص عناصرنیب کو بدنام کرنے کے لئے من گھڑت پروپیگنڈا کر رہے ہیں.

خیال رہے نیب نے آج شہباز شریف کی اہلیہ اور 2 بیٹیوں کو منی لانڈرنگ اور آمدن سے زائد اثاثے بنانے کے کیس میں طلب کرتے ہوئے ان کے نام ای سی ایل میں ڈالنے کی سفارش کی ہے۔