کراچی:نرسوں کا احتجاج رنگ لے آیا،سندھ حکومت کا کمیٹی تشکیل دینے کا اعلان

کراچی:نرسوں کا احتجاج رنگ لے آیا،سندھ حکومت کا کمیٹی تشکیل دینے کا اعلان

کراچی(نیوزلیب) سندھ کے سرکاری اسپتالوں میں ملازمت کرنے والی نرسوں کا احتجاج رنگ لے آیا اور صوبائی محکمہ صحت نے مطالبات پر عملدرآمد کے لیے کمیٹی تشکیل دے دی۔

تفصیلات کے مطابق سرکاری اسپتالوں کی نرسز نے مطالبات منوانے کے لیے کراچی پریس کلب کے باہر 9 روز سے دھرنا دیا ہوا تھا جس کی وجہ سے مریضوں کو شدید مشکلات کا سامنا بھی تھا۔

دھرنا 9ویں روز میں داخل ہوا تو کمیٹی نے سندھ اسمبلی کے گھیراؤ کا فیصلہ کیا اور اعلان کیا کہ نماز جمعہ کے بعد ریلی کی صورت میں ایوان کے باہر بیٹھا جائے گا۔ اگلے مرحلے کا اعلان ہوتے ہی سندھ حکومت نے پھرتی دکھائی اور محکمہ صحت کے حکام مذاکرات کے لیے مظاہرے میں پہنچے جو کافی دیر تک جاری رہے۔

نرسنگ اسٹاف کااحتجاج اُس وقت رنگ لایا کہ جب کامیاب مذاکرات کے بعد محکمہ صحت سندھ کے حکومت نے مطالبات کے حوالے سے کمیٹی تشکیل دینے کا اعلان کیا۔

حکام کے مطابق 7رکنی کمیٹی نرسنگ اسٹاف کی ترقی سےمتعلق محکمہ خزانہ سےمشاورت کرے گی اور ایک ہفتے کے اندر تجاویز متعلقہ سربراہان کو ارسال کردی جائیں گی تاکہ جائز مطالبات کو پورا کردیا جائے۔