وزیر اعظم نے “احساس قرض حسنہ اسکیم” کی منطوری دے دی

وزیر اعظم نے "احساس قرض حسنہ اسکیم" کی منطوری دے دی

اسلام آباد(نیوزلیب)وزیر اعظم عمران خان نے کہا ہے کہ محروم طبقے کا احساس کرنا ریاست کی اولین ترجیح ہے.

ان خیالات کا اظہار  انھوں نے غربت میں کمی سے متعلق اجلاس کی صدارت کرتے ہوئے کیا. اس موقع پر “احساس قرض حسنہ اسکیم” شروع کرنے کا فیصلہ کیا گیا.

اجلاس میں احساس قرض حسنہ اسکیم کی منظوری دی گئی، جس کا  آئندہ ماہ افتتاح کیا جائے گا، معاون خصوصی ڈاکٹر ثانیہ نشتر نے منصوبے سے متعلق شرکا کو بریفنگ دی.

وزیراعظم نے اسکیم کے لئے اضافی 5 ارب روپے کی رقم مختص کر دی، اسکیم کے تحت نوجوانوں اورخواتین کو80 ہزارتک ماہانہ قرض دیا جائے گا، رقم کےذریعےخاندان ذاتی کاروبار اور گھر کے افراد کی کفالت کرسکیں گے.

یہ منصوبہ بیک وقت چاروں صوبوں میں شروع کیا جائے گا، 26 وفاقی ادارے منصوبے کی تکمیل میں معاونت کریں گے.

ساتھ ہی بےنظیرانکم اسپورٹ کے تحت ملنے والی رقم کا طریقہ کار بدلنے کا فیصلہ کیا ہے. وزیراعظم نے احساس اسٹیئرنگ کمیٹی کےقیام کی بھی منظوری دے دی، کمیٹی کی سربراہی وزیراعظم عمران خان خود کریں گے.

اس موقع پر وزیر اعظم نے کہا کہ پاکستان کو مدینہ جیسی فلاحی ریاست بنانے کا فیصلہ کیا ہے، محروم طبقے کا احساس کرنا ریاست کی اولین ترجیح ہوگی. اسکیم کا اجراپس ماندہ علاقوں سے کیا جائے.