لاہور سمیت پنجاب کے مختلف علاقوں میں بارش سے گرمی کا زور ٹوٹ گیا

لاہور سمیت پنجاب کے مختلف علاقوں میں بارش سے گرمی کا زور ٹوٹ گیا

لاہور(نیوزلیب) لاہور سمیت پنجاب کے مختلف علاقوں میں بارش سے گرمی کا زور ٹوٹ گیا، بلوچستان کے ضلع ہرنائی اور گردونواح میں طوفانی بارش سے ندی نالوں میں طغیابی آگئی۔

لاہور میں آسمان سے برستی بوندوں نے موسم خوشگوار بنا دیا۔ باغوں کے شہر میں صبح سے شروع ہونیوالا بوندا باندی کا سلسلہ وقفے وقفے سے جاری ہے جس سے گرمی بھی اڑن چھو ہوگئی۔ کاہنہ، وہاڑی، بہاولپور سمیت پنجاب کے مختلف علاقوں میں بھی بارش کے بعد موسم سہانا ہے اور گرمی کا زور ٹوٹ گیا ہے۔

دوسری طرف بلوچستان کے ضلع ہرنائی اور گردونواح میں طوفانی بارش سے ندی نالوں میں طغیانی آگئی، انتظامیہ نے الرٹ جاری کر دیا۔ موسم کی خبر دینے والوں کا کہنا ہے آج اسلام آباد، راولپنڈی، لاہور، فیصل آباد، ملتان، قلات، ژوب، خیبرپختونخوا، کشمیر اور گلگت بلتستان میں مزید بارش کا امکان ہے۔