عامر خان نے آسٹریلوی باکسر بلی ڈب کو ناک آؤٹ کردیا

عامر خان نے آسٹریلوی باکسر بلی ڈب کو ناک آؤٹ کردیا

جدہ(نیوز لیب ویب ڈیسک) پاکستانی نژاد برطانوی باکسر عامر خان نے آسٹریلوی باکسر بلی ڈب کو فائٹ کے چوتھے راؤنڈ میں ناک آؤٹ کردیا۔

تفصیلات کے مطابق سعودی عرب کے شہر جدہ کے کنگ عبداللہ اسٹیڈیم میں ہونے والی فائٹ میں پاکستانی نژاد برطانوی باکسنگ چیمپئن عامر خان نے آسٹریلوی باکسر بلی ڈب کو ہرا دیا۔

پاکستانی نژاد برطانوی باکسر فائٹ کے تینوں راؤنڈز میں آسٹریلوی باکسر پرحاوی رہے اور چوتھے راؤنڈ میں حریف باکسر بلی ڈب کو ناک آؤٹ کردیا۔

باکسر عامر خان نے فائٹ جیتنے کے بعد کہا کہ یہاں آکر خوشی ہوئی، جدہ میں دوبارہ آؤں گا انہوں نے اسٹیڈیم میں موجود شاہقین کا تھینک یو جدہ کہہ کر شکریہ ادا کیا

سابق آرمی چیف جنرل راحیل شریف نے فائٹ جیتنے کے بعد باکسر عامر خان کو گلے لگا کر مبارکبادی وفاقی وزیرسائنس اینڈ ٹیکنالوجی فواد چوہدری نے بھی فائٹ دیکھی۔

یاد رہے کہ رواں سال اپریل میں امریکی باکسر ٹیرنس کرافورڈ نے پاکستانی نژاد برطانوی باکسر عامر خان کو ویلٹر ویٹ ٹائٹل فائٹ میں شکست دی تھی۔