بے جان پتھر معصوم جانوروں میں بدل گئے

بے جان پتھر معصوم جانوروں میں بدل گئے

مصور کسی بھی شے کو اپنا تختہ مشق بنا کر اسے فن پارے کی صورت میں تبدیل کرسکتا ہے۔ آج ہم آپ کو ایسی ہی ایک باصلاحیت فنکارہ سے ملوانے جارہے ہیں جو بے جان، بے رنگ پتھروں کو نہایت خوبصورت فن پارہ بنا دیتی ہیں۔

جاپان سے تعلق رکھنے والی فنکارہ ایکی نکاٹا بے رنگ پتھروں پر رنگ و روغن کر کے انہیں خوبصورت اشیا میں تبدیل کردیتی ہیں۔

وہ ان پتھروں پر زیادہ تر خوبصورت جانور بناتی ہیں جنہیں دیکھ کر بے اختیار ہی اس جانور سے محبت محسوس ہونے لگتی ہے۔ اس کے لیے وہ راہ چلتے ہوئے مختلف پتھر اٹھا کر جمع کرتی رہتی ہیں۔

جانوروں کے علاوہ وہ ان پتھروں پر مختلف تشبیہات بھی بناتی ہیں۔ سماجی رابطے کی ویب سائٹ انسٹاگرام پر ایکی کی بنائی ہوئی اشیا کو بے حد پسند کیا جاتا ہے۔